"გზა ცივილიზებული სახელმწიფოსკენ" მხარდამჭერი ფონდი
თამარ მეფის სიტყვა, მეფედ კურთხევისას წარმოთქმული
აი, პროგრამა!
„… ერის დაცემა და გათახსირება მაშინ იწყება, როცა ერი, თავის საუბედუროდ, თავის ისტორიას ივიწყებს… (ილია ჭავჭავაძე)
შეგახსენებთ თამარ მეფის სიტყვას, წარმოთქმულს მისი მეფედ კურთხევისას, რომელიც გამორჩეულია არა მარტო იმ ეპოქისთვის, არამედ საპროგრამო დოკუმენტია დღევანდელი სამყაროსთვის, უპირველესად კი მომავლის საქართველოსთვის.
„შიშველი მოველ და შიშველადვე მეგულების განსვლად ამიერ სოფლით. ყოველივე ქვეყნიური აქვე დარჩება, არ არის აქ ჩემი სასაკუთრო და სამეფო ჩემი, კუთვნილებაა თქვენივე. მე ამამაღლა განგებამ მისთვის, რომ თქვენდა საკეთილდღეოდ აღვამაღლო სამეფო და განა შევძლებ მე ამას, უძლური დედაკაცი, თუ არა თქვენის დახმარებითა და თანამშრომლობით. პირველათ თქვენ მოგმართავთ მამა–ჩემის გაწვრთნილო, მხედართმთავარო მეომარნო. მომეცით შეძლება, რომ პირველ ყოვლისა, გავიმაგრო სამეფოს საზღვრები, გარეშე მტრების მოსაგერიებლათ. მერმე მივყობთ ხელს შინაგან განწესრიგებას და თქვენ უნდა მიწინამძღვროთ, წმინდა მამებო, რადგანაც თქვენ, როგორც სასულიერო წოდებას, გაწევსთ ორგვარი მოვალეობა – ხორციელი და სულიერი, რისთვისაც მოგელისთ ორკეცი მადლობა: აქ – მეფის და იქ – ზეციური კურთხევა. ხოლო თქვენ, დიდებულნო და ერისთავნო, შემიწყვეთ ხელი, რომ მივსცეთ გზა და განი სწავლას, შრომას, და ნიჭს, რომელთაც ქვაკუთხედათ უნდა დაიდვას საერო სიყვარული“