ეს სხვა ტელევიზიაა – მართალი და ქართული

მეცნიერები და კულტურის მოღვაწეები  ყველას დავანახვებთ, რა შეუძლია ერთობით და სწორ პრინციპებზე დაყრდნობით შექმნილ ტელევიზიას. ჩვენ მხარს ვუჭერთ ტელევიზიის დღევანდელ მესვეურთა წინადადებას, რომ:

• ყველა მოქალაქეს ჰქონდეს საშუალება, თავისი მოსაზრება გამოთქვას ამ ტელევიზიით
• ტელევიზიაში დაინერგოს პირველ პირების მიერ (მთავრობის თავმჯდომარე, პრეზიდენტი, პარლამენტის თავმჯდომარე, სასამართლოს თავმჯდომარე, მინისტრები, პარლამენტის კომიტეტის თავმჯდომარეები, თბილისის მერი და გუბერნატორები) მოსახლეობის კითხვებზე პასუხის გაცემა კვარტალში ერთხელ .
• ყოველთვიურად, თვის განმავლობაში, გარკვეული დრო (60 წთ) ჰქონდეთ:

– პარტიებს, არასამთავრობო ორგანიზაციებს;

–  ქალაქს, რაიონს, მხარეს, დიდ სოფლებს;

– უნივერსიტეტებს, ინსტიტუტებს, შემოქმედებით კავშირებს;

– პროფკავშირებს;

– ადვოკატთა საზოგადოებას;

– ახალგაზრდულ ორგანიზაციებს;

– ქართული ტრადიციული ბიზნესის წარმომადგენლებს, ეკოლოგიურად სუფთა, ნატურალურ პროდუქციის მწარმოებლებს;

– საბანკო სექტორს;

– დიასპორას.

ჩვენ პოზიტიურად  ვაფასებთ ტელევიზია “ქართული TV“- ის შემოქმედებითი გუნდის პოზიციას, საქმიანობის მთავარ საფუძვლად აქციონ დიდი ქართული  პროგრამული დოკუმენტი:   „მოქმედების მანიფესტი – ერთი სამშობლო, ერთიანი ერი, გაერთიანებული სახელმწიფო“ . მეცნიერთა მონაწილეობით, გააკეთონ გასული  საუკუნის ბოლო ათწლეულის – ჩვენი ქვეყნის ისტორიაში ერთ-ერთი ყველაზე ურთულესი ეპოქის ანალიზი,  შექმნან დოკუმენტური ფილმი – „რა მისცა მსოფლიო ცივილიზაციას საქართველომ“;  დოკუმენტურად ისაუბრონ ჩვენს უცხოელ მეგობრებზე, როგორც დიდი ილია იტყოდა, „შორეულ თავისიანებზე“;  საქართველოს და მთელ მსოფლიოს გააცნონ ის დიდი კულტურული და მეცნიერული მემკვიდრეობა, რომელიც წარსულში დაკავშირებულია ქართველებთან და დღესაც უამრავი ქართველი მთელს მსოფლიოში საოცრებებს ახდენს ; მთელ მსოფლიოს აჩვენონ, როგორ ცხოვრობენ უცხოელები საქართველოში და როგორია დამოკიდებულება ქართველებისა და საქართველოს მოქალაქეებისადმი უცხოეთში. “ქართული TV” ერთადერთი ტელევიზიაა, სადაც მიდის გურამ ქართველიშვილის მართლაც, უნიკალური სერიალი “გააგრძელე საქართველოს ისტორია”.

ეს გადაცემები შეგიძლიათ ნახოთ  მხოლოდ „ქართულTV“ – ზე 

უახლოესი მომავლის პროექტები

პროფესორები: . კობა კობალაძე, ნოე ხოზრევანიძე, მურმან ქურიძე  – საავტორო გადაცემით  სოფლის და მთის მდგრად განვითარებასთან დაკავშირებით

მერაბ ბერძენიშვილის ეზო-გარემოდან  – „ქართული სული  – საქართველო დაჭრილი მზეა“

რომან რურუას ეზო-გარემოდან ეკონომიკური, კერძოდ, სოფლის მეურნეობის  მიმართულების გადაცემები

პოეტ ტარიელ ხარხელაურის ეზო – გარემოდან ლიტერატურული გადაცემები

ცნობილი მწერალი რეზო მიშველაძე საავტორო ლიტერატურული გადაცემით

სპეციალური გადაცემები აფხაზურ და ოსურ ენებზე

ჩვენ, წერილზე ხელმომწერნი მივმართავთ ყველა დაინტერესებულ პირს, უპირველესად, აქციონერებს, შემომწირველებს,  სპონსორებს, რეკლამის განმთავსებელთ:

სიამოვნებით მივიღებთ თქვენს რჩევებს, მოსაზრებებს, წინადადებებს ტელევიზიის საქმიანობის სრულყოფა-გაუმჯობესებასთან დაკავშირებით.

დიახ,  ჩვენ ერთად უნდა შევქმნათ ეროვნულ-სახელმწიფოებრივი განწყობის ტელევიზია!