მეცნიერთა კონგრესისლაიდერი
მეცნიერთა კონგრესის გელათის სესიის პრესრელიზი
8 თებერვალს, დავითობას, 14:00 საათზე, გელათის აკადემიის ისტორიულ კედლებში გაიმართება „მეცნიერთა კონგრესის“ გაფართოებული სესია საზოგადოებრიობის წარმომადგენელთა მონაწილეობით. ყოველწლიურად, დავითობას, სესიის გამართვა ტრადიციულია და ტარდება საქართველოს კათოლიკოს-პატრიარქის ლოცვა-კურთხევით.
კონგრესის სესია მზადდებოდა მომავლის საქართველოს უმთავრესი პრინციპის: „ხალხის ეკლესიისა და ხელისუფლების თანამშრომლობის ჰარმონიზაციის” გათვალისწინებით.
სესია განიხილავს პროგრამულ დოკუმენტს: „მიზანია სამშობლო და ადამიანი, სხვა ყველაფერი – საშუალება ამ მიზნის მისაღწევად“. სესია მიიღებს მიმართვას საზოგადოებისადმი და მოქმედების პროგრამას: „8 თებერვლიდან 26 მაისამდე“.
კონგრესის სესიაზე მოწვევა დაეგზავნათ ხელისუფლების უმაღლესი თანამდებობის პირებს. ამ დროისათვის მონაწილეობის სურვილი დაადასტურა ერთმა.
კონგრესის სესია შედგება კოვიდ უსაფრთხოების მოთხოვნათა სრული დაცვით. სესიის ხანგრძლივობა 1,5 – 2 საათი.
19:00 საათზე, მელიტონ ბალანჩივაძის სახელობის ქუთაისის ოპერის თეატრში გაიმართება დავით აღმაშენებლის დღისადმი მიძღვნილი შემოქმედებითი საღამო.
მეცნიერთა კონგრესის საინიციატივო ჯგუფის სახელით,
კონგრესის დამფუძნებლები:
ჯუმბერ კოპალიანი – ისტორიულ მეცნიერებათა დოქტორი, დმანისის არქეოლოგიური მუზეუმის დირექტორი
რამაზ გახოკიძე – ბიოლოგიურ მეცნიერებათა დოქტორი, სახელმიფო პრემიის ლაურეატი
ვახში ჟვანია – კიბერნეტიკის მეცნიერებათა დოქტორი, საზოგადოებრივი პროექტის “გზა ცივილიზებული სახელმწიფოსკენ” მხარდაჭერის ფონდის გენერალური დირექტორი.
მურმან ქურიძე – სოფლის მეურნეობის მეცნიერებათა დოქტორი, „მეცნიერთა კონგრესის დამფუძნებელი
ერეკლე შონია – კონგრესის სპიკერი, სამეცნიერო კვლევითი ასოციაციის “ადამიანი – გარემო” პრეზიდენტი
დავით შემოქმედელი – პოეტი, საზოგადო მოღვაწე, რუსთაველის საზოგადოების თავმჯდომარე
ტარიელ ხარხელაური – პოეტი, „ქართული ერთობის დარბაზის“ დამფუძნებელი
ციური გარუჩავა – მუსიკოსი, მთარგმნელი, მწერალი, «ახალგაზრდა შემოქმედთა გაერთიანების» დამფუძნებელი, მეცნიერთა კონგრესის საზოგადოებასთან ურთიერთობის სამსახურის ხელმძღვანელი
ამირან აფციაური – ტექნიკურ მეცნიერებათა დოქტორი, ტესლას მსოფლიო მოძრაობის წარმომადგენელი
საკონტაქტო პირები: ვახში ჟვანია 577 40 71 82;
ციური გარუჩავა 593 32 70 96