მეცნიერთა კონგრესისლაიდერი
ემიგრანტთა ყრილობა “ემიგრანტები მომავლის საქართველოსთვის” 21 სექტემბერი, ღვთისმშობლობა
ყრილობაზე განიხილება ხუთი უმნიშვნელოვანესი საკითხი
1. ეროვნულ-სახელმწიფოებრივი დოქტრინა;
2. იმედის პროგრამა : „მიზანია სამშობლო და ადამიანი, სხვა ყველაფერი, ხელისუფლების ჩათვლით საშუალება ამ მიზნის მისაღწევად“
3. ბანკების მარწუხებიდან ხალხის დახსნის რაციონალური წინადადებები;
4. ემიგრანტთა სამშობლოში დაბრუნების პროგრამა;
5. საქართველოში ემიგრანტთა ოჯახების და უცხოეთში ემიგრანტთა უფლებების დაცვის საერთაშორისო ლიგის შექმნა.
იმედის პროგრამა“ მიზანია სამშობლო და ადამიანი, სხვა ყველაფერი, ხელისუფლების ჩათვლით, საშუალება ამ მიზნის მისაღწევად!
პირველი: შემუშავდეს „ეროვნული დოქტრინა“, რომელიც დაფუძნებული იქნება სახელმწიფოს დამოუკიდებლობის, ტერიტორიული მთლიანობის, ზნეობის, ტრადიციების, თავისუფლებისა და დემოკრატიის პრინციპებზე.
მეორე: შეიქმნას ხალხის ინტერესების გამომხატველი კონსტიტუცია!
მესამე: აღდგეს კანონი სახელმწიფო ღალატის შესახებ; კორუფცია და ნეპოტიზმი გამოცხადდეს სახელმწიფო ღალატად, მიღებულ იქნას „ლუსტრაციის კანონი“!
მეოთხე: დაუბრუნდეს ხალხს რეფერენდუმის ჩატარების უფლება!
მეხუთე: მიწა, ტყე, წიაღისეული და ყვლაფერი, რაც ეროვნული სიმდიდრეა და ქვეყნისთვის სტრატეგიული მნიშვნელობის მატარებელია, უცხო ქვეყნის მოქალაქეებზე არ იყიდება!
მეექვსე: შეიქმნას „სახელმწიფო კაცების საკრებულო“!
მეშვიდე: ქვეყანაში დამკვიდრდეს რეალური სამართლიანობა!
მერვე: შეიქმნას ქვეყნის განვითარების პროგრამა!
მეცხრე: სახალხო განხილვისთვის გამოტანილ იქნეს პიროვნებათა, პროფესიონალთა პარლამენტის კონცეფცია!
მეათე: აიკრძალოს პარტიების დაფინანსება ბიუჯეტიდან!
მეთერთმეტე: რადიკალურად შემცირდეს და დადგინდეს სახელმწიფო მოხელეთა ოპტიმალური რაოდენობა!
მეთორმეტე: ეროვნული ტრადიციებისა და საერთაშორისო გამოცდილების გათვალისწინებით შემუშავდეს კანონმდებლობა სამართლიანი საინფორმაციო სივრცის თაობაზე!
მეცამეტე: პლურალისტური დემოკრატიის რეალურად დასამკვიდრებლად გადაიდგას სახელისუფლებო მარწუხებისგან ქვეყნის სამეცნიერო, კულტურული, საგანმანათლებლო, სასამართლო და მთელი რიგი სფეროების გასათავისუფლებლად კონკრეტული ნაბიჯები!
მეთოთხმეტე: შეიქმნას სამართლებრივი საფუძვლები საბანკო და სხვა სახელმწიფო სისტემების მიერ დაზარალებულ პირთა პრობლემების მოსაგვარებლად!
მეთხუთმეტე: გატარდეს აუცილებელი და რადიკალური საბანკო რეფორმა!
მეთექვსმეტე: შეიქმნას ემიგრანტთა ღირსეულად დაბრუნების ეფექტური პროგრამა!
მეჩვიდმეტე: შეიქმნას პოლიტიკური და სამართლებრივი წანამძღვრები ობიექტური არჩევნების ჩასატარებლად!
მეთვრამეტე: განხორციელდეს სახელმწიფო აპარატის დეპოლიტიზაცია!
მეცხრამეტე: ქვეყნის შემდგომი კონსოლიდაციის უზრუნველსაყოფად ჩატარდეს „ყოველთა ქართველთა, საქართველოს შვილთა და საქართველოს მეგობართა მსოფლიო კონგრესი“.
მეოცე: რიონის ხეობა გამოცხადდეს ეროვნულ ნაკრძალად!
ოცდამეერთე: „საარსებო კალათა“ განისაზღვროს საერთაშორისო ნორმების შესაბამისად!
