ლუარა ნიჟარაძე: ჩემო ქართველებო

აღარ არის უკვე დამალული ,რომ საქართველო დგას უდიდესი საფრთხის წინაშე.

კანონი “უცხოური აგენტების შესახებ”80 წელზე მეტია მოქმედებს არამარტო რუსეთში,არამედ ევროპასა და ამერიკაში.ამ კანონის აუცილობლობა არეულ მსოფლიოში საქართველოსთვისაც აუცილებელზე აუცილებელია,ამიტომ ვთვლი რომ შეცდომა იყო კანონის უკან გატანა,ამით ხელისუფლებამ თავისი სისუსტე აჩვენა და კიდევ უფრო წაახალისა ძალები ,რომლებსაც არ უნდოდათ ამ კანონის მიღება მხოლოდ ერთი მოტივით:დამალული ფინანსები ბოლომდე დარჩეს დამალულად.

კანონი მხოლოდ საბაბია არეულობის შემოსატანად “უკრაინული მაიდანის”განმეორებისთვის საქართველოში.ამერიკა და “ნატო”საქართველოს აიძულებს დაამთავროს ნეიტრალური პოზიცია და უკრაინის მსგავსად ღიად განაცხადოს ამერიკის “დემოკრატიის “მხარდაჭერა,ჩვენი ევროპული გზა “უკრაინულ მაიდანზე”გადის

გვინდა კი ასეთ გზაზე სიარული???

მაშინ როდესაც ფერფლად არის ქცეული უკრაინის ქალაქები ,აყრილი მილიონობით მშვიდობიანი უკრაინელი საკუთარი ფუძიდან პირტიტველად გამოყრილი ევროპის გზაზე,ათასობით დაღუპული უდანაშაულო უკრაინელი იმ ევროპისთვის, რომელიც იმასაც კი არ ეუბნებიან რეალურად როდის მიიღებენ ევროპაში ან ნატოში,მიუხედავად ზელენსკის ათასგზის მუდარისა არც ევროპის კარს უღებენ ღიად და არც “ნატოს “კარს

ეხმარებიან იომოს რუსეთთან საბოლოო გამარჯვებამდე,გაიმარჯვებს კი???განა ამერიკის და უკრაინის სანქციებით ხდება ომში გამარჯვება !..,ომი ომია და გამარჯვება სისხლით ხდება,იმ სისხლით რომელიც არ იღვრება არც რუსეთში და არც ამერიკაშირა ენაღვლებათ უკრაინელების სისხლი…

დღეს ამერიკას და ნატოს სურს დაასუსტონ რუსეთის ჰეგემონობა ახლო აღმოსავლეთში და ამერიკა გახდეს ჰეგემონი

ამერიკის ჰეგემონობისთვის სისხლი უკრაინამ,საქართველომ,მოლდავეთმა,პოლონეთმა და სხვა პოსტსაბჭოთა ქვეყნებმა უნდა ღვარონ

ამჯერად გეგმაში მეორე ფრონტის გახსნა საქართველოშია,სწორედ ამიტომ იყო მიზეზი კანონი ,რომელიც გამჭვირვალობას შემოიტანდა თუ რა თანხები შემოდის უცხოეთიდან,სად მიდის ეს თანხები და რას ხმარდება ის

ევროპაში ბანკიდან შენ საკუთარ ფულს 2000 ევროზე მეტს ვერც გამოიტან და ვერც შეიტან ,თუ არ განაცხადე საიდან გაქვს ეს ფული და რაში უნდა გახარჯო,თუ პოლიტიკოსი ხარ ან პოლიტიკაში აპირებ მოსვლას ეს ფული კიდევ უფრო მეტად კონტროლდება.გარედან გადმორიცხული თანხები შენს ანგარიშზე რომ აღმოჩნდეს იმ წუთში საფინანსო პოლიცია დაგადგება და გაარკვევს ვინ და რატომ გადმოგირიცხა ეს თანხაანუ ის რაც მიღებულია და კარგია ევროპისთვის და ამერიკისთვის, რათა აკონტროლონ თავიანთი უსაფრთხოება ,რატომ ითვლება მიუღებლად საქართველოსთვის

ოცდაათი წელი და მეტიც გავიდა რაც დამოუკიდებელ “დემოკრატიულ”საქართველოს ვაშენებთ ამერიკის და ევროპის დახმარებით ,ამისთვის მოედინება ფულის ნიაღვარი ამერიკიდან და ევროპიდან,როგორი საქართველო მივიღეთ სინამდვილეში???

არეული,ურთიერთდაპირისპირებული,არანაირი პატივისცემა სახელმწიფო ინსტიტუტების მიმართ,გამათხოვრებული სოციალური ფენა,გამდიდრებული პოლიტიკოსები,პარლამენტარები,დაცლილი საქართველო ქართველებისგან-ესაა სწორედ ჰიბრიდული ომი

გაძალებენ აღიარო ის ,რაც თავად ევროპაშიც არ მოსწონთ და ვერ უწევენ პროპაგანდას,ამკვიდრებენ ჩვენს ქვეყანაშითითს ვინ დამიქნევს ევროპა,ამერიკა თუ რუსეთი რა მნიშვნელობა აქვს,ოკუპანტი რუსეთი ვიცი,მაგრამ შიდა პოლიტიკას ვინ მართავს ჩემს ქვეყანაში ჩრდილოეთი თუ დასავლეთი რა მნიშვნელობა აქვს თუ მაიძულებ “ვიბუქნაო შენს დუდუკზე”,პატივი თუ არ ეცი სუვერენული სახელმწიფოს უფლებას-არ ჩაერიო ჩემი ქვეყნის შიდა და გარე პოლიტიკაში !

ევროპული ღირებულებებიო:ევროპული ღირებულებები არის სოციალური სამართლიანობა,დაცული ოჯახი,საზოგადოება,სამუშაო ადგილი,ხელფასი და პენსია,ჩვენს ქვეყანაში ოცდაათი წელი ეს ვერ შედგა

სხვა ღირებულებები ევროპულზე უფრო მეტად გაგვაჩნია ქართველებს,და ქართული ღირებულებებით მინდა შევიდე ევროკავშირში,რომელსაც გვთავაზობენ ოცდაათი წელი და არავინ იცის ოდესმე თუ მიგვიღებენ

კონსტიტუციაში წერია ევროატლანტიკური კურსი,ხელისუფლების მოვალეობაა ამ გზაზე ღირსებით ვიაროთ და არა ღირსება აყრილებმაის რაც ქვეყანაში ხდება ,ამას ღირსებას ვერ დავარქმევდი,მაშინ როდესაც შენი ქვეყნის დროშას ფეხებში უგდებ პოლიციის კორდონს და ეუბნები დააბიჯე თუ ბიჭი ხარო,ვინ ხარ შენ,ვინ გამოგზარდა ასე უჯიშოდ,ვენაცვალე იმ პოლიციელს ვინც ქართული დროშა გულში ჩაიხუტა

მაშინ როდესაც ევროპის დროშას აფრიალებდნენ აქციის შუაგულში ,ქართული დროშა ფეხებში გაიგდეს, სწორედ იქ დამარცხდა მათში ქართველი

როდესაც შენი მეფის სურათს პრეზერვატივზე მიახატავენ ,შენს მეფეს მოღალატედ შერაცხავენ,იქ გაყენებენ შეურაცყოფას და გირყვნიან ისტორიას,ჯვარს გიგინებენ ებრძვიან შენს რწმენას,ეს არის ფაშისტური ლიბერალუზმი დასავლეთის დემოკრატიის ნიღბით შემოსული ისეთ მცირე ერებში როგორიც საქართველოა,თორემ თავად ევროპაში მსგავსი რამ არ ხდება და ამას არავინ დაუშვებს,რადგან აქ იცავენ საკუუთარ იდენტობას,მაშ ის რაც არ მოსწონთ ევროპაში,რატომ უნდა ატრერიგებდე ჩემს ქვეყანაში ათასობით ახალგაზრდას აღვირახსნილი ლიბერალიზმით

საქართველოში ევროპიდან და ამერიკიდან მილიარდობით შემოსულმა თანხებმა ვერ შექმნა სამუშაო ადგილები,ვერ ააშენა ფაბრიკა-ქარხნები,ადგილოპრივი პროდუქციის წარმოება ვერ განავითარა,ახალგაზრდობას მომავალი გადაეკეტა საკუთარ ქვეყანაში ამიტომაც ქართველი ახალგაზრდებისთვის ევროპა კარგი ცხოვრებაა,თუ არ იქნება სამუშაო ადგილი,ხელფასი და პენსია ვერც ახალგაზრდობა იცხოვრებს ასეთ ქვეყანაში და ვერც სხვა სოციალური ფენა ვერ იარსებებს,ეს მოგვიტანეს ოცდაათი წელი ევროპულ ღირებულებებად დასავლეთიდან,მაშ სად დაიხარჯა დასავლეთიდან და გნებავთ ჩრდილოეთიდან შემოსული ფულიარაკეთილ მიზნებს ემსახურება გარედან შემოსული ფულის დიდი ნაწილი

და რას ვაპროტესტებთ ქუჩაში??რატომ არ გამოვდივართ სოციალური უთანასწორობის წინააღმდეგ,რატომ არ ვაპროტესტებთ:უკიდურესად ღარიბი საშუალო ფენა და უკიდურესად მდიდარი პოლიტიკოს-ჩინოვნიკები,უზრუნველი ცხოვრება ჩინოვნიკებს და მათ შთამომავლობას და ლუკმა-პურისთვის გამათხოვრებული ერის უდიდესი ნაწილი იძულებით გაყრილი ქვეყნიდან ,ოჯახების გადასარჩენად ევროპაში და ამერიკაში იმ სამუშაოს შესასრულებლად,რასაც თავად ამ ქვეყნის მოქალაქეები არ კადრულობენ-ამაზე რატომ არ გვაქვს პროტესტი,ამას რატომ არ ვაპროტესტებთ ქუჩაში,რატომ არ ვითხოვთ ათეული წლების განმავლობაში უცხო ქვეყნებში იძულებით დევნილი ემიგრაციის დაბრუნებას,სამუშაო ადგილების შექმნას,ადგილობრივი წარმოების გაძლიერებას,მეტი ექსპორტის შექმნას,ხელფასების და პენსიების გათანაბრებას ცხოვრების ღირებულებასთან ისე როგორც ევროპაშია,ამის საშუალებას ხომ იძლევა ქვეყნის შიდა რესურსი,თანასწორუფლებიანობისთვის რატომ არ გამოვდივართ ქუჩაში პროტესტისთვის,სამართლიანობისთვის,ახალგაზრდობის მომავლისთვის,ევროპა ევროპაო რომ გაიძახით ,ესაა ევროპა და ეს მოვითხოვოთ ჩვენს ქვეყანაში,ამას ევროპა კი არა ,ხელისუფლების კეთილი ნება სჭირდება,იმ ხელუსუფლებებისა ,რომელსაც ჩვენ -ხალხი ვირჩევთ ,ეს უნდა მოვთხოვოთ ხელისუფლებებს ჩვენ -ხალხმა ,ამაზე უნდა გვქონდეს პროტესტის გრძნობა

ჩვენ უნდა შევქმნათ დამოუკიდებლად ძლიერი ევროპა ჩვენსავე ქვეყანაში,რადგან ჩვენ -საქართველო ვართ ევროპა,

ევროპის ცივილიზაციის სათავე

ლუარა ნიჟარაძე -ისტორიის მეცნიერებათა დოქტორი,ემიგრანტი

12.03.2023 წ.