მეცნიერთა კონგრესიპროექტებისლაიდერი

ჩვენ ვნახავთ , რა სახელმწიფო და ეროვნული საქმეების კეთება შეუძლია წესიერებას და მორალურ ადამიანებს. ფონდის საქმეებით იამაყებს საქართველო !

ძვირფასო  მეგობარო,

გვაქვს პატივი, მეცნიერთა დიდი ჯგუფის სახელით დაგიდასტუროთ ღრმა პატივისცემა და მოგაწოდოთ, ხაზს ვუსვამთ, მოგაწოდოთ, ჩვენი აზრით, მნიშვნელოვანი ინფორმაცია, რომელიც ადასტურებს  თქვენდამი ჩვენი დიდი გუნდის განწყობას და ამავე დროს, თქვენ არაფერს გავალდებულებთ. როგორც ჩვენ ვართ თავისუფალი გადაწყვეტილებაში მოგმართოთ წერილით, ასევე თქვენ ხართ თავისუფალი გადაწყვეტილებაში – მიიღოთ თუ არა მეცნიერთა ეს წინადადება.

ჩვენ, წარმოვადგენთ „მორალურ გუნდს“, ვაგრძელებთ იმ კურსს, რომელიც დიდმა ქართველმა მოღვაწეებმა: მერაბ ბერძენიშვილმა, რეზო  ჩხეიძემ, ანზორ ერქომაიშვილმა, რომან რურუამ, გიგა ბათიაშვილმა, არნოლდ გეგეჭკორმა, გივი თოიძემ, ომარ მხეიძემ, თემურ გუგუშვილმა და სხვებმა ჩამოაყალიბეს „მოქმედების მანიფესტში – ერთი სამშობლო, ერთიანი ერი, გაერთიანებული საქართველო“, რომელსაც მეცნიერებმა მაშინვე ვუწოდეთ ბოლო დროის ერთ-ერთი ყველაზე გამორჩეული ქართული პროგრამული დოკუმენტი და ეს დრომაც დაადასტურ –  ქართული, მხოლოდ ქართული გზა,  ქვეყნის გადარჩენის სხვა გზა არ არსებობს,  ქვეყანა ერის ბუნებიდან გამომდინარე უნდა იმართებოდეს,  ყალბი და არაქართულია ქვეყნის გარეთ მხსნელის ძებნა, გარეთ მხოლოდ მეგობრები უნდა ვეძებოთ და არა პატრონები. ისტორია ადასტურებს, რომ ქართული არასდროს ნიშნავდა ჩაკეტილობას, ყოველთვის იყო ნაზიარები ზოგადკაცობრიულთან. ისტორია ადასტურებს იმასაც, რომ საქართველოს მსახური ცუდი ხელისუფლებაც კი ათასგზის სჯობს გარედან მართულ და გარედან ნაქებ-ნადიდებ ხელისუფლებას. დრო ადასტურებს იმასაც, რომ  ბოლო წლებში  უშედეგოდ დამთავრდა ამ განწყობის დიდი ქართული პროცესის დაწყებაც და, განსაკუთრებით, ბოლომდე მიყვანა.

მიზეზი მარტივია – ეს  სახელმწიფო კაცებმა კარგად ჩამოაყალიბეს „მოქმედების მანიფესტში“,რომ ქართული საინფორმაციო სივრცე ქართული აღარ არის, უფრო მეტიც, ებრძვის საქართველოს და რომ  არ გვაკლია ქვეყნის გარე ძალთა მსახური პარტიები, პოლიტიკოსები, არასამთავრობო ორგანიზაციები, საინფორმაციო საშუალებები და რაც არნახულად გვაკლია, ეს არის ქართული განწყობის სახელმწიფოებრივი აზროვნების საზოგადოებრივი ორგანიზაციები, პოლიტიკური პარტიები, საინფორმაციო საშუალებები. ალბათ, ყველაზე უსამართლო და როგორც მეცნიერებს მიგვაჩნია,  ჩვენი სამშობლოსთვის ყველაზე ტრაგიკული არის ის, რომ ყოველგვარი ანტიქართული უხვადაა დაფინანსებული, ყველგვარი ქართული კი,  ფინანსების გარეშეა, სულს ღაფავს, ენთუზიაზმის დონეზეა.  სახელმწიფო კაცებმა „მდიდარი მონები“ უწოდეს გარე ძალების მსახურთა დამფინანსებელ ბიზნესმენებს.  მძიმეა ჩვენგან ამის ხაზგასმა, მაგრამ უნდა ვაღიაროთ, რომ სამწუხაროდ, ეს  რეალობაა.

ქართული დიდსულოვნებით ეძებდნენ სახელმწიფო კაცები XXI საუკუნის სარაჯიშვილებს, ხოშტარიებსა და ზუბალაშვილებს. ისინი ამბობდნენ, რომ ასეთები საკმაოდ  არიან და გაცილებით მეტნი იქნებიან, თუ ჩვენ ქვეყნის განვითარების სწორ გზას შევთავაზებთ და ამ გზას რეალურად დავანახვებთ.

ჩვენ, მეცნიერები ვადასტურებთ, რომ ერთადერთი მძალვრი საყრდენი, რომელიც შეიძლება ჰქონდეს მომავლის საქართველოს, ეს არის ხალხის, ეკლესიისა და ხელისუფლების ერთობა. გვესმის, რომ ეს რთული გზაა. დღეს საქართველოში ამის მიღწევა ბევრს არარეალობად მიაჩნია. ჩვენ, მეცნიერები ვთვლით, რომ მორალურ ადამიანთა ერთობას შეუძლებლის მიღწევა შეუძლია. ასეთია ჩვენი ისტორია. დღეს მთავარია  იმის გაცნობიერება, რომ ჩვენ, მიუხედავად პარტიული თუ რელიგიური კუთვნილებისა, მსოფლმხედველობისა, ასაკობრივი სხვაობისა, უნდა მივდევდეთ კაცობრიობის პროგრესის მთავარ ფორმულას: „მთავარში  ერთობა, სადავოში – თავისუფლება, მაგრამ – ყველაფერში სიყვარული“.

ჩვენ უნდა გავაცნობიეროთ, რომ ქვეყნის ბატონ-პატრონი ხალხია და არა ხელისუფლება. გავაცნობიეროთ, რომ უდიდესია ქვეყნის ინტელიგენციის როლი, რომ ინტელიგენტი არის ის, ვინც იცის – დაპირისპირება დამანგრეველია, რომ განვითარება თანამშრომლობის ჰარმონიზაციაშია და რომ ინტელიგენტი არის ის, ვინც ხალხს იცავს ხელისუფლებისგან და არა პირიქით. ეს არამარტო ქართული, მსოფლიო გამოცდილებაა და მისი უარყოფა, რისი ნიშნებიც აშკარად ჩანს, ჩვენ კიდევ უფრო მძიმე მდგომარეობაში ჩაგვაგდებს – მეტად დაგვაპირისპირებს, კიდევ უფრო მეტად წაართმევს გონებას პოლიტიკას და ქვეყნის მართვის სადავეებს ისევ ქუჩას და ქუჩის პოლიტიკოსებს დაუტოვებს.

გავიაზრეთ რა ყველაფერი, 200-მდე მეცნიერმა საზოგადოებასთან მოთათბირებითა და    ერთიანი თანამშრომლობით შევქმენით საქართველოს განვითარების კონცეფცია: „გზა ცივილიზებული სახელმწიფოსკენ,“ გადავწყვიტეთ გამოგვეცა წიგნად და  მიმდინარე წლის 8 თებერვალს, დავითობას, მეფეთმეფის მიერ შექმნილი მეცნიერებათა აკადემიის ისტორიულ კედლებში მივიღეთ პროგრამა: ახალი განზომილება, ანუ რა შევცვალოთ, რომ გადავრჩეთ“. ყველა ეს დოკუმენტი განთავსებულია ინტერნეტსივრცეში, ჩვენსავე ვებ.გვერდზე: www.civilizebuli.ge და ხელმისაწვდომია ნებისმიერი პიროვნებისთვის.

ორი წელი ვიმუშავეთ ამ საკითხებზე… არავინ შევაწუხეთ. მივყვებოდით სახელმწიფო მოღვაწეთა რჩევას: მთავარია, ხალხს და ქვეყანას დავანახვოთ მომავლის პროგრამული ხედვა და გავუჩინოთ სურვილი ამ პროცესში მონაწილეობისა. სწორედ ამას ეყრდნობა ჩვენი ორწლიანი მოღვაწეობაც და ის, რაც შევქმენით ამ ხნის განმავლობაში.

მიგვაჩნია, რომ თაობათა ერთიანობის, ქვეყანაში დარჩენილთა და ქვეყნის გარეთ მცხოვრებ თანამემამულეთა ერთიანობის გარეშე, მომავალი არ გვაქვს. ამ ანალიზებს თქვენ ზემოთ ნახსენებ კრებულებში ნახავთ დიდ ეკონომიკურ პროგრამებთან ერთად. ჩვენ ამ მუშაობას ვაგრძელებთ. სწორედ ამ მიზნით დავიწყეთ 8 თებერვალს ყოველთა ქართველთა, საქართველოს შვილთა და საქართველოს მეგობართა მსოფლიო კონგრესი“, რომელსაც 26 მაისს, საქართველოს დამოუკიდებლობის დღეს, გავაგრძელებთ საფრანგეთში,  ლევილის ქართველთა მამულში და 40 ქვეყნის 85 ქალაქში  სესიების ჩატარების შემდეგ, ქვეყნის შიგნით და ქვეყნის გარეთ არჩეულ დელეგატთა მონაწილეობით, კონგრესს დავასრულებთ მომავალი წლის შემოდგომაზე, ეროვნული ყრილობით, „მომავლის საქართველოს“ პროგრამის დამტკიცებით,“ სახელმწიფო კაცების საკრებულოს“ არჩევით.

ჩვენი დიდი სურვილია, ამ საშვილიშვილო პროცესში ყველანი ვიყოთ ჩართული. როგორც უწმინდესმა ბრძანა: ხალხიც, ეკლესიაც და ხელისუფლებაც. სწორედ ამიტომ იყო, რომ ჩვენ განსაკუთრებული წერილებით მივმართეთ საქართველოს პრემიერ-მინისტრს, ბატონ მამუკა ბახტაძეს, საქართველოს პრეზიდენტს, ქალბატონ სალომე ზურაბიშვილს საქართველოს პარლამენტის თავმჯდომარეს, ბატონ ირაკლი კობახიძეს. ასეთივე პროგრამული იქნება წერილი, რომელსაც  საქართველოს დამოუკიდებლობის გამოცხადების დღეს გადავცემთ  მმართველი პარტიის ლიდერს, ქველმოქმედსა და მეცენატს, ბატონ ბიძინა ივანიშვილს.

ჩვენ იმაზეც შევთანხმდით, რომ საქართველოს ბიუჯეტს, ანუ ხალხის ფულს მეტი პატივისცემით უნდა ხარჯვა. სწორედ ამის დასტურად, ამ გრანდიოზული პროგრამის განხორციელებას სახელმწიფო ბიუჯეტის გარეშე ვაპირებთ… ჩვენ უარს ვამბობთ უცხოური გრანტებზე მარტივი მიზეზის გამო: ჩვენ მხოლოდ ჩვენი სამშობლოს ინტერესი გვამოძრავებს და არ გვინდა, პირდაპირ თუ ირიბად  რომელიმე გარე ძალის ინტერესთა გამტარებელი გავხდეთ. ფაქტია, დღემდე  უცხოური გრანტებით გაცილებით მეტი ანტიქართული საქმე კეთდება, ვიდრე ქართული. სწორედ ამიტომ ვსაუბრობთ სუფთა და შიშველი ხელების მოძრაობაზე.

ბევრ ჩვენს თანამემამულეს გაუჩნდა იდეა შეიქმნას საზოგადოებრივი პროექტის: „გზა ცივილიზებული სახელმწიფოსკენ“ მხარდაჭერის  ფონდი. განსაკუთრებით სასიხარულოა, რომ ამ იდეის ინიციატორები არიან არა მარტო საქართველოში მცხოვრები ცნობილი მეცნიერები და მოღვაწეები, არამედ ჩვენი უცხოეთში მცხოვრები თანამემამულენი.

ფონდის შექმნის იდეას გაცხადებიდან ორი დღის განმავლობაში ქვეყანასა და ქვეყნის გარეთ უამრავი მხარდამჭერი გამოუჩნდა, სასიამოვნოა, რომ მათ შორის ბევრია ბიზნესმენი და წარმატებული მეწარმე, რამაც  დიდი სტიმული მოგვცა, ეს პროცესი დაგვეჩქარებინა.

ფონდის მუშაობისთვის აუცილებელია განსაზღვრული თანხა, ამიტომ გადავწყიტეთ, მივმართოთ ჩვენს მხარდამჭერებს, “მორალური გუნდის” წევრებს, რომ მათ ყოველთვიურად, საწევროს სახოთ ფონდის ანგარიშზე შეიტანონ თანხა  _ 5 ლარიდან, 30 ლარამდე.

 ყველა დარწმუნდება, რომ შემოსული თანხა ხალხის უმკაცრესი კონტროლით დაიხარჯება.  ჩვენი სურვილია, ურთიერთთანადგომით და ამ საქმესთან სინდისიერი ადამიანების შეკავშირებით შევძლოთ ნამდვილად მართალი და ჯანსაღი ისტორიის ფონდის შექმნა. 

ვებ.ვერდზე განთავსდება ყოველთვიური ინფორმაცია და რაც მთავარია, მომდევნო წლის შემოდგომაზე, „ყოველთა ქართველთა, საქართველოს შვილთა და საქართველოს მეგობართა“ დასკვნით კონგრესზე, სპეციალურ წიგნად გამოვა სრული სია, თუ ვის მივმართეთ წერილობით, ვინ გამოეხმაურა მედიაში და ელექტრონულ სივრცეში გამოქვეყნებულ მიმართვას,  ვინ რა შესწირა საზოგადოებრივი პროექტის, „გზა ცივილიზებული სახელმწიფოსკენ“ მხარდაჭერის ფონდს და რისი გაკეთება გახდა შესაძლებელი საერთო ძალისხმევით. ეს იქნება წიგნი,  რომლითაც იამაყებს ამ ფონდის მხარდამჭერი ყოველი ადამიანის შთამომავალი; ეს იქნება წიგნი, სადაც გამოჩნდება, რა ეროვნული საქმეების კეთება შეუძლია წესიერებას და მორალურ ადამიანებს. ფონდის საქმეებით იამაყებს საქართველო !

ამ პროგრამულ კრებულში შეგნებულად შევიტანეთ ილია ჭავჭავაძის „დავით აღმაშენებელი“ და აკაკი წერეთლის „თამარ მეფე“ . აქ კარგად ჩანს ჩვენი ისტორიაც, რა გიგანტების მხრებზეც ვდგავართ და რა პასუხისმგებლობა გვეკისრება როგორც ჩვენი ისტორიის, ასევე დღევანდელობის და მომავლის წინაშე. ჩვენ უნდა ვიამაყოთ და უდიდესი პასუხისმგებლობა ვიგრძნოთ ამ წიგნში გამოქვეყნებული იმ სიტყვის გამო, რომელიც მეფე თამარმა წარმოთქვა მისი მეფედ კურთხევის დროს და რომლის მასშტაბებსა და სიღრმეს ანალოგი არ აქვს მსოფლიო ისტორიაში. ჩვენ ამას ყველა ენაზე ვთარგმნით და დარწმუნებული ვართ, ეს ასევე იქნება აღიარებული პროგრესული მსოფლიოს მიერ.

ჩვენ, მეცნიერები შევეცადეთ ამ წერილში გადმოგვეცა ის განწყობა, რომლითაც ჩატარდა კონგრესი გელათში; შევეცადეთ მთელი გულით, უდიდესი პასუხისმგებლობითა და საერთო თანადგომის სურვილით, გვეთქვა სათქმელი… შეუძლებელს შევძლებთ ერთობით. ძალასაც გვაძლევს, რწმენასაც გვიძლიერებს და პასუხისმგებლობასაც, უწმიდესისა და უნეტარესის, ილია მეორის სიტყვები, რომელიც მან ბრძანა, როცა გაეცნო ჩვენს პროგრამებს:

„რასაც თქვენ ფიქრობთ და რის გაკეთებასაც აპირებთ, ეს ჰაერივით სჭირდება დღეს საქართველოს“.

უკეთესად ვერ იტყვი. მთავარია, ეს გააცნობიეროს ხალხმა და გააცნობიეროს ხელისუფლებამ.

მეცნიერულ პროგრამებზე დაყრდნობილი მოქმედების დროა!

გვწამს და გვჯერა, ერთად ვიქნებით ამ მამულიშვილურ საქმეში.

 

პატივისცემით,

მეცნიერებათა დოქტორები

კობა კობალაძე –  ფონდის  სამეთვალყურეო საბჭოს თავმჯდომარე,

ლუარა ნიჟარაძე  –  გენერალური დირექტორი

ზურაბ ფარესიშვილი – სამეთვალყურეო საბჭოს წევრი

კულტურის დამსახურებული მოღვაწე

ფერდინანდ ლორთქიფანიძე  – სამეთვალყურეო საბჭოს წევრი

 

მის. თბილისი, ბოჭორიშვილის ქ. 37(ა)

ვებ.გვერდი:www.civilizebuli.ge

e-mail: civilizebuli@gmail.com

საკონტაქტო პირები: კობა კობალაძე (ტელ.: 551 25 66 52)

ლუარა ნიჟარაძე (ტელ.: 555 93 75 48)

ვაქვეყნებთ საზოგადოებრივი პროექტის – „გზა ცივილიზებული სახელმწიფოსკენ“ მხარდამჭერი ფონდის ანგარიშებს. დიდი მადლობა ყველას, ვინც  შეუერთდება ამ დიდი ეროვნული განწყობის პროცესს.

ანგარიში ლარებში: სს ლიბერთი ბანკი GE66LB0115181809573000

USD: Liberty Bank GE39LB0115181809573001

EUR: სს ლიბერთი ბანკი GE12LB0115181809573002

ბანკის კოდი:LBRTGE22

 

Facebook Comments
5 (100%) 3 votes
მეტი

მსგავსი სიახლეები

Leave a Reply

Your email address will not be published. Required fields are marked *